आमच्याविषयी

संतश्रेष्ठ ब्रह्मचैतन्य श्री गोंदवलेकर महाराज यांच्या कृपेने आणि परमपूज्य रामायणाचार्य विदर्भरत्न ह.भ.प. संजय महाराज पाचपोर, अकोला यांच्या प्रेरक मार्गदर्शनातून भारतीय संस्कृतीचा महत्त्वाचा आधारस्तंभ असलेल्या देशी गोवंशाचे संगोपन व संवर्धन करण्याच्या उद्देशाने निसर्गसृष्टी गोपालन संस्थेची स्थापना करण्यात आली.

9 ऑगस्ट 2012 रोजी, गोकुळाष्टमीच्या पवित्र मुहूर्तावर गोसेवेच्या या कार्याची सुरुवात झाली. काही गोवंशापासून सुरू झालेला हा प्रवास आज दानशूर व्यक्ती, गोप्रेमी, सेवेकरी आणि समाजाच्या सहकार्याने अधिक व्यापक झाला आहे.

आज गोशाळेत 600 हून अधिक गोवंशाचे संगोपन केले जात असून, भविष्यात 2,000 गोवंशाच्या संगोपनाचे संकल्पित लक्ष्य ठेवण्यात आले आहे. गोवंशासाठी निवारा, चारा, पाणी, आरोग्यसेवा आणि आवश्यक पायाभूत सुविधा निर्माण करण्यासोबतच गोसंवर्धन आणि पर्यावरण संवर्धनासाठी संस्था सातत्याने प्रयत्नशील आहे.

आमची मूल्ये

सेवा • संवर्धन • पारदर्शकता • संस्कृती • पर्यावरण